حسینیه سیدالشهداء (ع) اندرود علیا
کاغذکنانیهای مقیم مرکزحسینیه سیدالشهداء (ع) اندرود علیا
کاغذکنانیهای مقیم مرکزجلالت امام رضا (ع) ( من کلام : سعدی زمان )
ای ایدن خراسانی کربلا هر غمه رضا یا ابالحسن
جدی تک قوری یرده جان ویرن قبریوه فدا یا ابالحسن
ای ایدن خراسانی کربلا هر غمه رضا یا ابالحسن
جدی تک قوری یرده جان ویرن قبریوه فدا یا ابالحسن
سیزوسوز آفرینندیه اولان آفرینش عالمه غرض
جوهر وجود اهل عالمه هر ایکی جهان نوروزه عَرَض
رشک خلد اعلی ضریحیوی گر بهشتیله ایلسم عوض
غبن دور منه بو معامله قیلام ادعا یا ابالحسن
بیر امیدیله دوتموشام سنون ای کرامتین کانی دامنون
ال گوتورمرم ایتمسن کرم ال منیم اماندور اتک سنون
آستانون ایله وسیعدور اولمیوبدی مایوس دشمنون
نا امید اولا بو محبّلر گور اولور روا یا ابالحسن
آستانوزه یوز قویار سیزون آرزوسینون گلشنی سولان
ذیل لطفوزه اعتصام ایدر قلبی غصه دن قانیله دولان
باب رحمتوزدن گورونمیوب سیّدی سیزون ناامید اولان
ایلیوب سیزی حیّ لم یزل معدن عطا یا ابالحسن
ای هامی ایاقدان دوشنلرین دستگیری یا ثامن الحجج
سایه عنایتده ساخلا بو مستجیری یا ثامن الحجج
قوماز آستاندان کریملر کلب پیری یا ثامن الحجج
بیر قوجا قولام باشیم اوسته سال سایه ی هما یا ابالحسن
خانه زاد بیر مادحم سیزه درگهونده بیر کمترین غلام
نیلیوم که مولامه عاشقم گرچه من سیه روی بیر قولام
درد عشق ایاقدان سالوب منی گَلمیشم طبیبیم دوا آلام
جرمدور مگر عاشق اولسا گر شاهه بیر گدا یا ابالحسن
وار مگر گدانون تناسبی سن کیمی جلالتلی شاهیله
گل دیسن گلر گیت دیسن گیدر دل شکسته حال تباهیله
جانیوه قسم ایله سن منه بیر نظاره نیمه نگاهیله
هر ایکی جهان دردیمه منیم ایلر اکتفا یا ابالحسن
سن یترسن اوچ یرده دادینه قبریوی زیارت ایدنلرین
بیر هامی دوراندا مزاریدن بارماقی دوداقیندا دلغمین
بیرده پخش اولاندا عمللرین نامه سی که بیر وقتدور چتین
بیر لَدَی الصِّراط اللرین دوتوب ایلسن رها یا ابالحسن
سگّیزیمجی شرطی موحّدین سنسن ای هامی عالمه رجا
من غریب و بی یار و یاورم یوخ منه اولان کیمسه ملتجا
بو غریبه بیر لطفیله نظر ایلسن اگر چوخ اولور به جا
ای غریق بحر مصائبه یار و ناخدا یا ابالحسن
ای غزال وحشی دلین بُلن من اسیر آلام و بی کسم
یوخ دلیم ایدم دردیمی بیان قویما سندن امیدیمی کَسَم
ویرّم ای امید جهانیان فاطمه آنان حقینه قسم
سن آقالیقون ایله باخما وار منده چوخ خطا یا ابالحسن
قاره پوش ایدوبلر ضریحیوی چون شهادتوندور سنون شها
وا رضا سسی شهری دولدوروب مشهدی دوتوب شیون و نوا
شیعه لر وورور باشه آغلوری کربلا بساطی اولوب به پا
طوس اولوب بو داد و نوائیله دشت نینوا یا ابالحسن
میهماندی بو سعدیّ زمان اوز قوناقیوه بیر نوازش ایت
بو یوزی قرا نوکرونله گَل مهریله عطوفتله سازش ایت
من حسینیم مادحم سیزه منکر و نکیره سفارش ایت
ایتمسونله مدّاح حضرتون قهریله ندا یا ابالحسن
در سوگ مولی الموحدین علی (علیه السلام)- شاعر:غفاری اردبیلی
آسمان کوفه آن شب تیره بود
ماه بر اوضاع هستی خیره بود
چشم کوکبهای سیمین کور بود
نام ظلمتها درآن شب نور بود
باد غربت بر شجاعت می وزید
ناله پروانه را می شد شنید
در گلوی ساقه بغض گل شکست
پیش بلبل برزمین افتاد مست
در میان شب مثال خسته ها
آه بیرون می شد از گلدسته ها
کوچه های کوفه غرق آه بود
سوگوار شاه خیبر چاه بود
مسجد ومراب ومنبر غمزده
خشتهای خانه ها ماتم زده
پرده ها افتاده بود ازروی دار
فاش شد اسرار مشت پرده دار
تخته ای برروی دوش نور بود
مقصدش ظلمت سرای گور بود
یک طبق از خوشه های نخل جود
یک ورق از صفحه های عشق بود
آفتابی بود ،اما غرق خون
ماهتابی بود لیکن لاله گون
عرش بود اما به روی فرش تار
تخته هایی بود تخت عرش یار
باده از خمخانه بیرون می چکید
از میان تخته ها خون می چکید
روی خاک این واژه ها را مینوشت
خاک را کردی جهنم ای بهشت
فاصله تا حق فقط دل تا علیست
ای علی آهسته رو حق با علیست
شهادت حضرت علی(علیه السلام)- شاعر:احد عدلجوی
سونوری شمع عدالت بوگجه
جان ویرور شاه ولایت بوگجه
آغلا ای اهل ولا جان ویرور شیر خدا
بو گجه حیدره آخر گیجه دی
فاتح خیبره آخر گیجه دی
آزقالیر شمس ولا ائتسون افول
حق دیین دیللره آخر گیجه دی
آغلا ای اهل ولا جان ویرور شیر خدا
بو گجه کوفه ده محشر اولاجاق
حسنینون گوزی گل تک وسلاجاق
سالاجاق فاطمه قاره باشینا
آناسیز زینب آتاسیز قالاجاق
آغلا ای اهل ولا جان ویرور شیر خدا
بو گجه قلب ملائک یانوری
حسنینون ئورگی اودلانوری
بیت مولانی عزاخانه اولوب
زینبون غملی گونی باشلانوری
آغلا ای اهل ولا جان ویرور شیر خدا
بوگجه زینبه محشر یارانار
باخار حسرتله ابوالفضله یانار
توکر اشکین ئوزونه حسرتیله
باشینه شیر خدانین دولانار
آغلا ای اهل ولا جان ویرور شیر خدا
بو گیجه جان شه مردان ویروری
غصه لی عمرونه پایان ویروری
آز قالیر دیده رحمت یومولا
آتاسیزلار آتاسی جان ویروری
آغلا ای اهل ولا جان ویرور شیر خدا
بو گیجه ماه عدالت باتاجاق
بوفنا عالمی گوزدن آتاجاق
فاطمه گوللری غمدن سولاجاق
کوفه ایتامیلری آج یاتاجاق
آغلا ای اهل ولا جان ویرور شیر خدا
بو گجه گلشن زهرا سولاجاق
جبرئیل باشنه قاره سالاجاق
چوخلاری بو گیجه یول گوزلیجاق
چوخونون گوزلری یولدا قالاجاق
آغلا ای اهل ولا جان ویرور شیر خدا
آچ گوزون گور نه پریشاندی قیزون
غصه دن باغری دولی قاندی قیزون
بیرده آچ قانلی گوزون باخ یوزومه
یومولان گوزلره قرباندی قیزون
آغلا ای اهل ولا جان ویرور شیر خدا
آنام اولسیدی گر،ای جان،جهان
دردیوه چاره تاپاردی بابا جان
ئولدورردی ئوزونی بیکس آنام
سنی گورسیدی بیله ئوز گوزی قان
آغلا ای اهل ولا جان ویرور شیر خدا
آنام ئولدی سنه غملر قالدی
یاندی قلبون ئورگون دردآلدی
سن بو یاره یله بابا ئولمزیدون
آنامین دردی ایاقدان سالدی
آغلا ای اهل ولا جان ویرور شیر خدا
آنامیزدان صورا سن گولمزدون
او،ئولندن ئوزیوی بولمزدون
آنامین دردی سنی ئولدوردی
آنام اولسیدی بابا ئولمزدون
آغلا ای اهل ولا جان ویرور شیر خدا
آغلارام دلدیه کی نسگللریوه
ظلمیله قانه باتان تللریوه
بوینی چگنینده قالوب گللریوون
آچ گوزون باخ بو سولان گللریوه
آغلا ای اهل ولا جان ویرور شیر خدا
قاتلون بولمدی قلبون یارادی
عمریوین دفترینی پارچالادی
شل اولیدی الینی قاتلوین
نیلمیشدون سنی قانه بویادی
آغلا ای اهل ولا جان ویرور شیر خدا
درده گتدی منی باشون یاراسی
جانوین جانیمه گلسون قاداسی
وار یئری گوز یاشمی قانه دونه
اولدی آغ سقللوین قان حناسی
آغلا ای اهل ولا جان ویرور شیر خدا
آچ گوزین باغریم اولوب قان باباجان
قان دولان گوزلره قربان بابا جان
آغلارام یاننام ئولونجه بو غمه
دردیوه اولمادی درمان بابا جان
آغلا ای اهل ولا جان ویرور شیر خدا
زبانحال یتیمان کوفه- شاعر منزووی اردبیلی
